Almatyda djıp jol shetindegi úsh bala men áıeldi qorshaýǵa soqty
ALMATY. QazAqparat - Almatyda Toıota kóligi úsh bala men áıeldi betonǵa qysyp tastady, dep habarlaıdy QazAqparat tilshisi.
Jantúrshigerlik jol apaty Ójet shaǵyn aýdanynda boldy. Burylystan shyqqan Toıota oń jaǵynan kelgen BMV-ǵa jol bermeı, kólikter soqtyǵysqan. Qatty soqqydan Djıp aınalyp, artqy jaǵymen jol shetinde turǵan 3 bala men áıeldi betondy qorshaýǵa qaǵyp túsirdi.
Qalalyq Densaýlyq saqtaý basqarmasynan habarlaǵandaı, jol apatynan 4 adam japa shekken. 6 jastaǵy balanyń qaraqus súıeginiń sol jaq bóligi synyp ketken. Іshki aǵzalary soqqy alǵan. Bala aýrýhanaǵa 1-2 dárejedegi travmatıkalyq shokpen tústi. Qazir ol aýyr jaǵdaıda jansaqtaý bóliminde jatyr.
3 jáne 8 jastaǵy basqa balalardyń bas súıekteri jaralanǵan.
Olar Balalarǵa arnalǵan jedel kómek kórsetý ortalyǵynyń neırohırýrgııa bólimine jatqyzyldy.
Jol apaty ornynan Shuǵyl medıtsınalyq kómek kórsetý aýrýhanasyna jetkizilgen eresek áıel de, mıy shaıqalyp, basynan jaraqat alǵan. Qazir ol neırohırýrgııa bóliminde jatyr.
Jol apatynyń mán-jaıyn polıtsııa anyqtaýda.
