Almatyda Dj.Verdıdiń "Bal-maskarad" operasynyń premerasy ótedi
ALMATY. 26 qazan. QazAqparat /Názıra Eleýhan/ - Almatyda 5-6 qarasha kúnderi Abaı atyndaǵy Qazaq memlekettik akademııalyq opera jáne balet teatrynda Dj.Verdıdiń "Bal-maskarad" operasynyń premerasy ótedi.
Bul opera - kompozıtordyń úzdik shyǵarmalarynyń biri bolyp tabylady. Lıbrettonyń negizine 1772 jyly Shved koroli Gýstav III óltirilýi týraly tarıhı oqıǵa alynǵan.
Qoıylymnyń bas dırıjeri, mýzykalyq jetekshisi - QR eńbek sińirgen qaıratkeri Nurlan Jarasov. Qoıýshy-rejısseri - QR eńbek sińirgen qaıratkeri Láılim Imanǵazına. Qoıýshy-sýretshi - Reseıdiń eńbek sińirgen sýretshisi, QR Memlekettik syılyǵynyń laýreaty Vıacheslav Okýnev. Kórkemdik jetekshisi - Qazaqstannyń halyq ártisi, QR Memlekettik syılyǵynyń laýreaty Bazarǵalı Jamanbaev. Bas hormeısteri - Álııa Temirbekova. Bas baletmeısteri - KSRO halyq ártisi, QR Memlekettik syılyǵynyń laýreaty Ramazan Bapov.
Basty partııalardy - Jámılá Baspaqova, Dına Hamzına, Sara Işanova, Kırıll Borchanınov, Dına Dútmaǵambetova, Balapan Jubaeva, Beıimbet Qojabaev, Halıd Nuralıev, Medet Chotabaev, Talǵat Kúzembaev oryndaıtyn bolady.
