Almatyda Dj. Verdıdiń "Bal-maskarad" operasynyń premerasy ótedi
ASTANA. 26 qazan. QazAqparat - 5-6 qarasha kúnderi Almaty qalasyndaǵy Abaı atyndaǵy Qazaq memlekettik akademııalyq opera jáne balet teatrynda Dj. Verdıdiń "Bal-maskarad" operasynyń premerasy ótedi, dep habarlady teatrdyń baspasóz qyzmetinen.
Dj. Verdıdiń "Bal-maskarad" operasy - kompozıtordyń úzdik shyǵarmalarynyń biri. Lıbrettonyń negizine 1772 jyly Shved koroli Gýstav III-tiń óltirilýi týraly tarıhı oqıǵa alynady. Bul premera klassıkalyq óner súıer qaýymǵa taǵy bir syılyq bolyp, teatrdyń kórermenderin qoıylý áserliligimen jáne ártisterdiń kásibı oryndaýymen qýantady.
Bas dırıjeri, mýzykalyq jetekshisi - QR Eńbek sińirgen qaıratkeri Nurlan Jarasov; Qoıýshy-rejısseri - QR eńbek sińirgen qaıratkeri Láılim Imanǵazına; Qoıýshy-sýretshi - Reseıdiń eńbek sińirgen sýretshisi, QR Memlekettik syılyǵynyń laýreaty Vıacheslav Okýnev; Kórkemdik jetekshisi - Qazaqstannyń halyq ártisi, QR Memlekettik syılyǵynyń laýreaty Bazarǵalı Jamanbaev; Bas hormeısteri - Álııa Temirbekova; Bas baletmeısteri - KSRO halyq ártisi, QR Memlekettik syılyǵynyń laýreaty Ramazan Bapov. Basty partııalarda: Jámılıa Baspaqova, Dına Hamzına, Sara Işanova, Kırıll Borchanınov, Dına Dútmaǵambetova, Balapan Jubaeva, Beıimbet Qojabaev, Halıd Nuralıev, Medet Shotabaev, Talǵat Kúzembaev, Aleksandr Smetanın, Oleg Tatamırov jáne basqalar óner kórsetedi.
