Almatyda Dúnıejúzilik SPID-ke qarsy kúnine arnalǵan aqparattyq kampanııa bastaldy

Jeltoqsannyń 10-yna deıin jalǵasatyn aqparattyq nasıhattyq jumystar barysynda Almatydaǵy mektepter men JOO-da, sondaı-aq kásiporyndarda SPID juqpasyna qarsy áser etetin aldyn-alý sharalaryn kúsheıtýge jáne óz densaýlyǵyna jaýapkershilikti arttyrýǵa baǵyttalǵan dóńgelek ústelder, semınarlar, konferentsııalar, konkýrstar, aktsııalar ótkiziletin bolady.

Qalanyń barlyq aýdandaryndaǵy kolledjderde «Qyzyl lenta» estafetasy uıymdastyrylyp, SPID jónindegi aqparattyq paraqshalar taratylady. Joǵary oqý oryndarynda «Stıgma, kemsitý, adam quqyǵyn buzý» taqyrybyna pikirsaıys ótkiziledi, ol jerde VICh-ke qarsy tekserilý úshin jyljymaly zerthana qyzmet kórsetip, aqparattyq bilim-berý ádebıetteri taratylady. Shara barysynda sondaı-aq, №120 orta mektepte daıyndalǵan eriktiler arasynda «Seniń bolashaǵyń - seniń tańdaýyń» atty shyǵarmashylyq esep berý qorytyndy sharasy ótedi. Aqparattyq naýqan kezindegi is-sharalardyń basym bóligi aǵartý aqparat berýge baǵyttalǵan.

Aılyq ishinde bul sharalarmen qatar, kámeletke tolmaǵandardy ýaqytsha oqshaýlaý, beıimdeý jáne qalpyna keltirý ortalyǵynda jáne balalar kolonııasynda oqytý trenıngteri, sonymen qatar, júkti áıelder arasynda «Biz deni saý urpaq úshin» taqyrybynda dárister ótedi.