Almatyda Dúnıejúzi qazaqtarynyń ІV Quryltaıy kezinde qandaı máselelerge kóńil bólý qajettigi qaraldy
ALMATY. 26 sáýir. QazAqparat /Ádilet Musahaev/ - Almatyda «Dúnıejúzi qazaqtarynyń ІV Quryltaıy jáne etnıkalyq kóshi-qon máseleleri» taqyrybynda dóńgelek ústel ótti.
Alqaly jıynǵa Dúnıejúzi qazaqtary qaýymdastyǵy, QR Prezıdenti ákimshiliginiń Іshki saıasat bólimi, QR ІІM kóshi-qon polıtsııasy komıteti, QR SІM Konsýldyq qyzmet departamenti, Etnıkalyq kóshi-qon jónindegi keńestiń músheleri, Sheteldegi qazaq mádenı ortalyqtarynyń jetekshileri qatysty.
Jıyn barysynda aǵymdaǵy jyldyń mamyr aıynda Astana qalasynda ótetin Dúnıejúzi qazaqtarynyń ІV Quryltaıy tóńireginde sóz órbip, shetel qazaqtarynyń qonys aýdaryp, kóship kelýdegi qıyndyqtary da kóterildi. Sonymen qatar Quryltaı kezinde qandaı máselelerge aıryqsha kóńil bólý kerektigi qaraldy.
Dúnıejúzi qazaqtary qaýymdastyǵy Tóralqa tóraǵasynyń birinshi orynbasary, etnıkalyq kóshi-qon jónindegi qoǵamdyq keńestiń tóraǵasy Talǵat Mamashevtyń aıtýynsha, búgingi jıynnyń maqsaty - shettegi qandastarymyzdyń elge oralýda týyndaıtyn qıyndyqtaryn Quryltaı qarsańynda aldyn ala talqylyp, ony sheshý jónindegi usynystardy daıyndaý.
"Qytaıdaǵy vıza berýge baılanysty bolǵan keleńsizdikterge ol elge esh narazylyǵymyz joq. Negizgi bylyq qujat toltyrý jónindegi bizdiń konsýldyqta oryn aldy",- deıdi T.Mamashev.
