Almatyda dúńgirshekteri bar jazǵy dámhana buzylyp jatyr

ALMATY. QazAqparat - Almatyda sot sheshimi boıynsha dúńgirshekteri bar jazǵy kafeni buzý bastaldy, dep habarlaıdy QazAqparat tilshisi.

Almaty qala qurylysyn baqylaý basqarmasynyń málimetinshe,Tóle Bı kóshesiniń soltústiginde, Momyshuly kóshesiniń batysynda saýda pavılondary bar kafe sot sheshimimen buzylady.

Menshik ıesi jaıaý júrginshilerge arnalǵan trotýardyń ústine ıaǵnı, memlekettik qordyń jerinde jazǵy dámhana men dúńgirshekterdi zańsyz salǵan.

Buryn ýchaske jalǵa alý quqyǵymen menshik ıesine tıesili bolǵan.

«Uzaqqa sozylǵan sot tekserýlerinen soń mamandandyrylǵan aýdanaralyq ekonomıkalyq sot óz betinshe salynǵan qurylystardy súrý jáne ýchaskeni ortaq paıdalanýǵa qaıtarý týraly sheshim shyǵardy. Apellıatsııalyq sot birinshi satydaǵy sottyń sheshimin ózgerissiz qaldyrdy»,- dep habarlady vedomstvodan.

Búgin nysandardy buzý jáne jaıaý júrginshiler ınfraqurylymyn zańsyz nysandardan bosatý bastaldy.