Almatyda dúleı daýyl aǵashtardy qulatyp, ǵımarttardyń shatyryn ushyryp áketti
ALMATY. QazAqparat - Almatyda qatty jeldiń saldarynan aǵashtar qulap, kóptegen úıdiń shatyrlary ushyp ketti, dep habarlaıdy QazAqparat tilshisi.
Almaty qalalyq tótenshe jaǵdaılar departamentiniń málimetinshe, 21 kólikti aǵash basyp qaldy.
«112» jelisine aǵashtardyń qulaýy jáne ǵımarattar men kópqabatty úılerdiń shatyryn ushyryp áketýi boıynsha 34 habarlama tústi. Odan bólek eki jeke turǵyn úıdiń aýlasyn sý basty. Torlleıbýs jelisi úzildi»,- dep habarlady qalalyq TJD-niń baspasóz qyzmeti.
Jedel járdem qyzmetiniń málimetteri boıynsha 2 eresek er adam jeńil dene jaraqatyn aldy.
Qazirgi ýaqytta olardyń ómiri men densaýlyǵyna qaýip tónip turǵan joq.
Sınoptıkterdiń sózinshe, jańbyr túngi saǵat 3-ke deıin jaýady.
Mamandar qala turǵyndarynan kólikterin aǵashtardyń astynda qaldyrmaýdy suraıdy.
