Almatyda dúkenge soǵylǵan kólik júrgizýshisi zardap shekti
ALMATY. QazAqparat - Almatyda keshke jol apaty saldarynan jeńil kólik dúkenge soǵyldy, júrgizýshi zardap shekti, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, jol apaty keshke Y.Altynsarın jáne A.Jubanov kósheleriniń qıylysynda bolǵan.
«Volkswagen Golf» markaly avtokóligi Y.Altynsarın kóshesiniń boıymen ońtústik baǵytta kele jatqan. Tártip saqshylarynyń boljamy boıynsha, júrgizýshi kólikti basqara almaı, jol jıegine soǵylǵan. Odan keıin kólik toqtaı almaı sol qarqynymen baryp dúkenniń irgetasyna soǵylyp, qaıtadan jolǵa shyǵyp qalǵan. Jol apaty kezinde júrgizýshiden basqa eshkim zardap shekken joq. Kelgen dárigerler oǵan alǵashqy medıtsınalyq kómek kórsetti. Júrgizýshi túrli dárejedegi dene jaraqatymen qalalyq aýrýhanalardyń birine jatqyzyldy», - dep málimdedi qalalyq polıtsııa departamentinde.
