Almatyda dúken tonaý qylmysynyń izi sýymaı ashyldy
ALMATY. 28 jeltoqsan. QazAqparat /Erbol Azanbek/- Túnde Almatyda azyq-túlik dúkenin tonaý oryn alyp, tonaýshylar qylmys izi sýymaı qolǵa tústi, dep habarlaıdy qalalyq ІІD baspasóz qyzmeti.
«Túngi 11 shamasynda Jandosov kóshesiniń boıynda ornalasqan dúkenge qara betperde kıgen úsh adam kirip, dúkenshini pyshaq arqyly qorqytqan. Qoryqqan dúkenshi olarǵa sol kúngi tabysy - 155 myń teńgeni ustatqan. Qylmyskerlerdiń artyn ala ol polıtsııaǵa qońyraý shalǵan»,- deıdi Almaty qalalyq ІІD-niń patrýldik polıtsııa polkiniń komandıri Serik Kenenbaev.
"Sholǵynshylyq qyzmetiniń jedel áreketi nátıjesinde eki kúdikti qolǵa túsken. Taǵy bireýine izdeý jarııalanǵan. Kúdiktiler ustalý kezinde pyshaqpen qarýlanǵanyna qaramastan, qarsylyq kórsetpegen. Qazirgi kezde olar qylmystaryn moıyndap, qylmysqa muqııat daıyndalǵandaryn aıtyp otyr»,- deıdi ol. Tonaýshylar Almaty oblysynyń turǵyndary bolyp shyqqan. 21-22 jastaǵy ekeýdiń bireýi Vıktor qyz zorlaý, qaraqshylyq shabýyl jasaý qylmysymen isti bolǵan.
