Almatyda dúken tonaǵan bes adam ustaldy

ALMATY. QazAqparat – Almatyda jappaı tártipsizdik kezinde, dúken tonaǵan bes adam ustaldy, dep habarlaıdy QazAqparat tilshisi.

Almaly aýdandyq polıtsııa basqarmasynyń málimetinshe, qala ortalyǵynda kúndizgi ýaqytta 21-27 jas aralyǵyndaǵy bes adam ustaldy. Olardyń ekeýi - qyzdar. Kúdiktilerdiń esirtki tyǵyp jatqany belgili boldy.

Ustalǵandardyń jaldamaly páterinen bólshek saýda úshin oralǵan sıntetıkalyq esirtki zaty, sondaı-aq, kúdiktiler tonaý kezinde qylmystyq jolmen alǵan tsıfrlyq qural-jabdyqtar tabyldy jáne tárkilendi.

Barlyǵy 70-ten astam untaqty zaty bar magnıttik býmalar,kompıýterdiń eki protsessory men monıtory, noýtbýkter, teledıdarlar, proektorlar, pernetaqtalar, vırtýaldy oıyndarǵa arnalǵan jabydyqtar. Sondaı-aq, áskerılendirilgen oq-dáriler tabyldy jáne qylmystyq is materıaldaryna qosyldy.

Kúdiktiler qamaýǵa alyndy.

Olardyń kim ekeni jáne zańsyz áreketterge qatysy bar-joǵy tekserilýde.