Almatyda dúken órtenip, jalyn kórshi ǵımaratqa jaıyldy
ALMATY. QazAqparat - Almatyda dúken ǵımaraty órtendi, dep habarlaıdy QazAqparat tilshisi.
Qalalyq tótenshe jaǵdaılar departamentiniń málimetinshe, jalyn keshe keshki 23:26 kezinde tutanǵan.
Órt sóndirýshiler oqıǵa ornyna kelip jetkende bir qabatty dúkenniń órtenip jatqanyn kórgen. Tilsiz jaý onyń janyndaǵy japsarlas úsh qabatty ǵımaratqa jaıylǵan. Qutqarýshylar tez arada iske kirisip, órtti soltústik, ońtústik jáne batys taraptan sóndirýge jumyldyryldy.
TJD daǵdarys ortalyǵy basqarmasy jalyndy onlaın rejımde baqylap otyrdy.
Oqıǵa ornynda 19 tehnıka men 70-ten astam qyzmetker jumys istedi.
Órtten zardap shekkender týraly málimet joq.
