Almatyda dúken órtenip, 57 jastaǵy áıel toqqa túsip qaldy
ALMATY. QazAqparat - Almatyda dúken órtenip, 57 jastaǵy áıel toqqa túsip qaldy, dep habarlaıdy QazAqparat tilshisi.
«4 qarashada saǵat 18.42-de Almaty qalasy TJD-nyń 101 pýltine Áýezov aýdany ıArmýhamedov kóshesi boıynda ornalasqan zootaýarlar dúkeninde órt shyqqany týraly habarlama tústi.
Órt sóndirýshiler oqıǵa ornyna 4 mınýtta jetti. Órttiń kórshi ǵımaratqa taralý jáne qatty sezilgen gazdyń ıicinen jarylys qaýpi týyndady. Dereý jetken avarııalyq gaz qyzmeti gaz berý júıesin ajyratty. Qabyldanǵan sharalar arqasynda qyzyl jalyn jarty saǵatta aýyzdyqtalyp, kórshi ǵımarattarǵa taralý qaýpiniń aldy alyndy», - dep málim etti QR Tótenshe jaǵdaılar mınıstrliginiń resmı ókili Talǵat Ýálı.
Oqıǵa ornynan dúkenge kórshi turatyn 57 jastaǵy áıel elektr jaraqatymen №7 qalalyq aýrýhanaǵa jetkizildi.
Órt saǵat 19.28-de tolyqtaı sóndirildi. Jalyn sharpyǵan aýmaq - 400 sharshy metr.
Órtti sóndirýge TJD jeke quramynan 75 adam jáne 17 tehnıka jumyldyryldy. Sonymen qatar oqıǵa ornynda Apattar medıtsınasy ortalyǵynan 3 qyzmetker, 1 tehnıka, Polıtsııa departamentinen 6 qyzmetker men 2 tehnıka, jedel járdemniń 3 qyzmetkeri men 1 tehnıka jumys istedi.
