Almatyda dúken órtenip, 2 adamdy kúıik shaldy
ALMATY. QazAqparat - Almatyda dúkenniń shatyry órtke orandy, dep habarlaıdy QazAqparat tilshisi.
Mamandar qyzyl jalyn ortasynan 4 gaz ballonyn shyǵaryp úlgerdi.
Qalalyq TJD baspasóz hatshysy Sandýǵash Baımuhambetovanyń aıtýynsha, Sháripov 19 mekenjaıynda ornalasqan dúkenniń otqa oranǵany týraly habarlama saǵat 10:51-de túsken.
«4 mınýtta oqıǵa ornyna jetken órt sóndirýshiler dúkenniń shatyry jalyndap jatqanyn aıtty. Órtti sóndirý kezinde 4 gaz ballony syrtqa shyǵaryldy. Qyzyl jalyn 30 sharshy metrdi aýmaqty sharpyǵan. Órt sóndirýshiler tilsiz jaýdy 11:10-da sóndirdi», - dedi S.Baımuhambetova.
Tótenshe jaǵdaıdan 2 adam kúıik shalyp, aýrýhanaǵa jetkizilgen. Sondaı-aq jalynnan «Kıa-Rıo», «Hıýndaı-Týkson» kólikteri ishinara zaqymdaldy.
Aldyn ala tekserý boıynsha, órt eski ballondy aýystyrý kezinde shyqqan.
