Almatyda dýal qulap, 6-synyp oqýshysy mert boldy
ALMATY. QazAqparat - Almatyda qulaǵan dýal qabyrǵasy 6 synyp oqýshysyn basyp qaldy. Jetkinshek oqıǵa ornynda mert boldy. Bul týraly qalalyq ІІD resmı ókili Saltanat Ázirbek habarlady.
Nıkıta Mamontov qaladaǵy №60 mekteptiń 6 synybynda oqyǵan.
«Tótenshe oqıǵa 15-mamyrda «Taýgúl» shaǵyn aýdanynda oryn alǵan.
Dýal qasynan ótip bara jatqanda beton qorshaýdyń bir bóligi balanyń basyna túsip ketken. Qazir oqıǵanyń mán-jaıy anyqtalyp jatyr», - dedi S.Ázirbek.
Atalǵan derek Áýezov aýdandyq ІІB-da tirkeldi.
