Almatyda dosymen bástesip qarsy jolmen kólik aıdaǵan jigit jaýapqa tartyldy
ALMATY. QazAqparat - Almatyda ál-Farabı dańǵylynda qarama-qarsy baǵytpen kólik júrgizgen 19 jastaǵy Qýanysh Ákimge qatysty sot talqylaýy ótti. Sotta jas jigit nelikten ereje buzǵanyn moıyndady, dep habarlaıdy QazAqparat tilshisi.
Almaty mamandandyrylǵan aýdanaralyq ákimshilik sotynda Qýanysh 80 myń teńgege dosymen bás tikkendikten, bir saǵat boıy qarama-qarsy baǵytpen júrýi tıis bolǵany anyqtaldy.
«Quqyq buzýshy aqsha úshin jáne Instagram-daǵy paraqshasyna jurttyń nazaryn aýdarý úshin ákimshilik quqyqty buzǵan. 22 qazan kúni 23:30-da azamat Q. Ákim Nazarbaev dańǵylynan Mustafın kóshesine deıin qarama-qarsy baǵytpen júrgen. Bul áreketi arqyly aınaladaǵylarǵa qurmetsizdik tanytyp, qoǵamdyq tártipti buzǵan», - delingen sottyń baspasóz qyzmetiniń málimdemesinde.
Buryn júrgizýshige qatysty jol qozǵalysynyń 7 erejesin buzǵany úshin hattama toltyrylǵany habarlanǵan bolatyn. Bás tikkish jigit ákimshilik jaýapqa tartylyp, kóligi aıyp turaǵyna jiberildi.
