Almatyda dopty hokkeıden 32-Álem chempıonatynyń joǵarǵy tobyndaǵy komandalardyń aqtyq oıyndary ótip jatyr
ALMATY. 2 aqpan. QazAqparat /Erlik Erjanuly/ - Keshe dopty hokkeıden Almatyda ótip jatqan 32-Álem chempıonatynyń toptyq kezeńinde Qazaqstan quramasy ekinshi ret upaı joǵaltty.
Olar bul joly ótken jylǵy Álem chempıony sanalatyn reseılikterge 6:8 esebimen ese jiberdi. Alǵashqy 4 matchtyń qorytyndysy boıynsha qazir «A» tobynda 8 upaımen Shvetsııa men Reseı sportshylary kósh bastap kele jatyr. Odan keıingi orynda qorjyndarynda tórt-tórtten upaıy bar Qazaqstan men Fınlıandııa quramalary kele jatyr. Al Norvegııa men AQSh komandalarynyń qorjyny ázirge bos. Búgin toptyq kezeńniń aqyrǵy 5-matchynda AQSh pen Norvegııa, Qazaqstan men Fınlıandııa, Shvetsııa men Reseı ózara kúsh synasady.
Buǵan deıin fınder orystarǵa 4:5, shvedterge 0:12 esebimen utylyp, amerıkandyqtardy 7:1, norvegterdi 7:2 etip utqan edi. Qazaqstandyqtar bolsa shvedterge 1:9 bolyp ese jibergenimen, amerıkandyqtardy 13:3, norvegterdi 10:1 etip jeńgen bolatyn.
