Almatyda «Dopıng» jedel-aldyn alý sharasy júrip jatyr
ALMATY. Qyrkúıektiń 9-y. QazAqparat /Erbol Turymbetov/ - Almatyda ótip jatqan «Dopıng» jedel- aldyn alý sharasy aıasynda Almaty polıtseıleri psıhotroptyq jáne ýytty zattardy tutyný jaǵdaılaryn baqylaýda ustap otyr,
dep habarlaıdy QazAqparat.
«Dopıng» sharasynyń maqsaty elimizge syrtttan keletin esirtki zattarynyń jolyn kesý. Sonymen birge, psıhotroptyq, ýytty jáne basqa da zalaldy zattardyń arnalaryn áshkereleý men joıýǵa baǵyttalǵan. Qazirdiń ózinde medıtsınalyq mekemeler, dárihanalar, zerthanalar men esirtki zattary men psıhotroptyq jáne ýly zattardy qoldanýǵa ruqsaty bar zańdy tulǵalardy qatań qadaǵalaýda ustap otyr. Jelilik tekserýler barysynda ásirese, zań talaptaryn saqtaý, zań buzýshylyqpen tirkeýge alyný, ol zattardy saqtaý jáne qoldaný men qoldanysqa shyǵarý jaǵdaılaryna erekshe kóńil bólinýde.
«Eki kúnniń ishinde emdeý- aldyn alý ortalyqtary, ónerkásip oryndary men qoımalar tekserildi. Bir perzenthanadan psıhotroptyq zattardy durys paıdalanbaý faktisi tirkeldi. Bir aǵa medbıkeniń bólmesinen «Fenobarbıtal» psıhotroptyq zattarynyń 20 qaptamasy tabyldy. Bul jaǵdaıda saqtaý men esepke alynýda óreskel zań buzýshylyqqa jol berilgen», deıdi Almaty qalalyq ІІD-niń esirtkimen kúres basqarasynyń bastyǵy Denıs Loskýtov. Onyń aıtýynsha, zańsyzdyqqa jol bergen medbıke qylmystyq jaýapkershilikke tartylǵan. Qalypty jaǵdaıdy saqtaý maqsatynda sot ol azamatshaǵa eshqaıda shyqpaý týraly qolhat jazdyryp alǵan.
