Almatyda dóner dámhanasy otqa orandy
ALMATY. QazAqparat - Almatyda turǵyn úıdiń janynda ornalasqan dóner dúńgirshegi órtendi, dep habarlaıdy QazAqparat tilshisi.
«Almaty qalalyq TJD-niń kezekshilik pýltine órt týraly habarlama 20 maýsym kúni saǵat 15:06 túsken. Almaly aýdany, Baıtursynov kóshesinde ornalasqan «Degırmen» dóner dámhanasyn kók tútin basqany anyqtaldy. Órt sóndirýshiler oqıǵa ornyna 7 mınýtta jetti. Málim bolǵandaı, jalyn 4 qabatty eki turǵyn úıdiń janyna salynǵan dóner dúńgirsheginiń shatyrynan bastalǵan», - deıdi TJD resmı ókili Sandýǵash Baımuhambetova.
Tilsiz jaý saǵat 15:21-de tolyqtaı aýyzdyqtaldy. Qyzyl jalyn 100 sharshy metr aýmaqty sharpyǵan. Zardap shekkender joq. Tótenshe oqıǵaǵa tútin shyǵatyn murjaǵa jınalǵan qaldyq maılar sebep bolǵan.
