Almatyda domofondar arqyly eskertý júıesi tekserildi
ALMATY. QazAqparat - Almatyda domofondar arqyly eskertý júıesiniń jumysy tekserildi. Búgin saǵat 12:00-de qala boıynsha tótenshe jaǵdaı týraly habarlandyrý dabyly qosyldy.
Іlki joba boıynsha 5 podezde jańa júıe ornatylǵan bolatyn. Turǵyndar ınnovatsııalyq jobany oń baǵalady.
«Spıkfon» júıesine 20 baǵdarlama ornatylǵan. Júıe órt, jer silkinisi, ózge de tótenshe jaǵdaıda iske qosylady.
Jańa júıe biryńǵaı ortalyqtan basqarylady. «Spıkfon» arqyly qalalyq deńgeıdegi nemese bir ǵana úıdiń turǵyndaryn habarlandyrýǵa bolady.
Almaty ákimdigi atalǵan ınnovatsııalyq júıeni qaladaǵy barlyq turǵyn úılerdiń podezderine ornatýǵa maýsymnan bastap kirispek. Bul úshin turǵyndardan eshqandaı aqsha talap etilmeıdi.
Aıta ketý kerek, domofon arqyly habarlandyrýdyń jańa ádisi týraly byltyr aıtylǵan edi.
Turǵyndar 70- jyldary jasalǵan habarlandyrý júıesiniń múlde estilmeıtindigine shaǵymdanyp kelgen bolatyn. Kóp úılerde shýdy estirtpeıtin plastık terezeler ornatylǵan.
