Almatyda dızel tapshylyǵy: ákimdik qandaı sharalardy iske asyryp jatyr
Ákimdiktiń málimetinshe, Almatyda qazir 213 avtojanarmaı quıý stantsııasy jumys isteıdi, onyń ishinde 6 iri jelige 176 janarmaı quıý beketi kiredi (82% tıesili). Almatyǵa úsh munaı óńdeý zaýytynan JJM jetkiziledi. Olar: Shymkent «Petro Qazaqstan Oıl prodakts» munaı óńdeý zaýyty (PKOP úlesi – 40%), Pavlodar munaı-hımııa zaýyty (PMHZ úlesi – 35%), Atyraý munaı óńdeý zaýyty (AMÓZ úlesi – 25%).
«Bıyl 15 naýryzdan bastap Shymkent munaı óńdeý zaýyty kúrdeli jóndeýge jabyldy, osyǵan baılanysty Almaty qalasynda dızel otynyn jetkizý toqtatyldy. Osy kezeńde PMHZ men AMÓZ-den dızel otynyn jetkizý shamamen 12 myń tonnany qurady. Búginde iri jelilik JQS jáne qalanyń munaı bazalarynda shamamen 8,8 myń tonna dızel otyny bar, 4-5 kún ishinde shamamen 4,7 myń tonna jetkiziledi dep kútilýde», - delinedi ákimdiktiń habarlamasynda.
Sońǵy ýaqytta qalada Almaty oblysynyń turǵyndary, sondaı-aq tranzıttik kólik ıeleri tarapynan dızel otynyna degen suranys artty, bul tutynýdyń bir mezgilde 30-35%-ǵa ósýine sebep boldy jáne jekelegen JMQS-ǵa úzilispen jetkizilýine (rezervýarlardyń ýaqtyly tolmaýyna) ákeldi. Qala turǵyndaryn, avtobýs parkteri men kommýnaldyq qyzmetterdi qamtamasyz etý maqsatynda jekelegen janarmaı quıý beketterine dızel otynynyń shekteýli shyǵarylymy engizildi.
Sonymen birge, qazirgi ýaqytta Almaty ákimdigi QTJ jáne JMQS jelilerimen birlesip turaqty negizde jolda dızel otynyna monıtorıng júrgizedi, basqa óńirlerde vagondardyń toqtap qalýyna baılanysty máseleler jedel pysyqtalýda.
«Shymkent munaı óńdeý zaýytynda óndiris qaıta bastalǵannan keıin jaǵdaı turaqtanady dep kútilýde. QR Energetıka mınıstrliginiń aldyn ala aqparaty boıynsha, PKOP jóndeý jumystary aǵymdaǵy jyldyń sáýir aıynyń birinshi onkúndiginde aıaqtalady», - dep habarlady ákimdikte.
