Almatyda dızelmen júretin avtobýstar jańartylyp jatyr
Almaty ákimdiginiń málimetinshe, buǵan deıin №24 marshrýtta 6 dızeldi avtobýs jumys istegen. Onyń ornyna endi 12 jańa gazben júretin avtobýs qyzmet etedi. Sondaı-aq jolaýshylardyń suranysy boıynsha bul baǵyt uzartyldy. Endigi baǵyt: Saıyn - Momyshuly - Tóle bı - Rozybaqıev - Ójet yqsham aýdanyna deıin Soltústik aınalma kóshesimen júretin bolady.
Aldyńǵy marshrýt Úlken Almaty kanaly boıymen júretin. Jańartýdan keıin qozǵalys jıiligi 20 mınýttyń ornyna 12-13 mınýt bolady.
Sonymen qatar №125 marshrýttyń jyljymaly quramy tolyǵymen jańartylady, onda buryn 6-7 dızeldi avtobýs júrgen bolatyn. 21 tamyzdan bastap osy baǵytta 10 jańa gazben júretin avtobýs shyǵarylady.
Buǵan deıin atalǵan marshrýttyń jıiligi 40 mınýt bolsa, jańa avtobýstar shyqqannan bastap júrý jıiligi 15-18 mınýtqa deıin tómendeıdi dep josparlanǵan. Barlyq jańa avtobýs ortasha syıymdylyqta, on metrlik, edeni tómen, múmkindigi shekteýli jolaýshylarǵa jaǵdaılar qarastyrylǵan. Salqyndatý júıesimen jáne peshpen jabdyqtalǵan.
Esterińizge sala keteıik, Almatyda bıyl kommýnaldyq avtopark 600 gaz avtobýsy men 100 trolleıbýs satyp alýdy josparǵa engizgen. 100 avtobýs qalaǵa keldi jáne qujattar resimdelgenine qaraı jelige shyǵarylyp jatyr. Qalǵan avtobýstardy jyl sońyna deıin qalaǵa jetkizý kózdelgen.
