Almatyda dızaın-kod boıynsha salynatyn ájethana eskızderi usynyldy

ALMATY. QazAqparat – Almatyda jańa ereje boıynsha salynatyn ájethananyń eskızderi usynyldy, dep habarlaıdy QazAqparat tilshisi.

Jobalyq qujatta ájethananyń eki nusqasy kórsetilgen: birinshisinde - bıiktigi – 2 800 santımetr. Eni – 2 700 santımetr. Uzyndyǵy – 6 200 santımetr, ekinshisinde – 2 800 santımetr. Eni – 1 850 santımetr. Uzyndyǵy – 5 950 santımetr.

«Bul jyljymaly avtomattandyrylǵan pavılondary bar ájethanalar. Olar irgetasty qajet etpeıdi jáne eýropalyq tehnologııa boıynsha sapaly materıaldardy qoldana otyryp jasalǵan», - delingen qujatta.

Sonymen qatar, joba avtorlary ájethananyń tazalyǵy únemi baqylaýda bolatynyn atap ótti.

«Ájethana avtomattandyrylǵan júıe boıynsha jumys isteıdi: Esigi jabylǵannan keıin 15 mınýt ótken soń, eskertý dybystyq dabyl qaǵylyp, ájethana esikteri avtomatty túrde ashylady», - dep tolyqtyrdy avtorlar.