Almatyda Disney keıipkerleri qatysqan alǵashqy kınokontsert ótti
ALMATY. QazAqparat - Qazaqstanda Disney anımatsııalyq fılmderiniń mýzykasy oınalǵan «Sıqyrly adamdar» atty kınokontserttiń biregeı janry usynylǵan alǵashqy kınokontsert bolyp ótti. Bul týraly «QazAqparat» HAA habarlaıdy.
Respýblıka saraıynda ótken shara Almaty qalasy ákimdiginiń qoldaýymen Disney-diń Reseı elindegi kompanııasy «Bolashaq» birlesken qorymen birigip uıymdastyrylǵan. Uıymdastyrýshylardyń aıtýynsha, onyń negizgi maqsaty - aýtıstik aýytqýlary bar adamdardy áleýmettendirýge nazar aýdartý.
Kontsert baǵdarlamasynda «Salqyn júrek», «Arystan patsha», «Sý perisi», «Arý men qubyjyq», «Mýlan», «Aladdın» jáne «Pokahontas» sııaqty ańyzǵa aınalǵan kompozıtsııalar oınaldy. Anımatsııalyq fılmderdiń mýzykasyn Aleksandr Belıakov basqarǵan Almaty ákiminiń estradalyq-cımfonııalyq orkestri oryndady.
Disney-diń resmı kontsertteri London, Tokıo, Parıj, Máskeý jáne basqa qalalardyń úzdik kontsert zaldarynda ótip jatyr. Kınokontsertte oınalǵan saýndtrekter 11 «Oskar» cyılyǵyn ıelengen tanymal kompozıtorlar Hans Tsımmer, Alan Menken jáne Djerı Goldsmıttiń shyǵarmalary bolyp tabylady.
Almaty qalasynda kınokontsert eki myńnan astam kórermen jınady, sonyń ishinde 500 bılet áleýmettik osal toptardan shyqqan balalarǵa tegin bólingen.
