Almatyda dıskoklýb klıentterdi arnaıy qujatpen kirgizip otyrǵan
ALMATY. QazAqparat – Almatyda karantın kezinde jumys istep turǵan dıskoklýb áshkerelendi, dep habarlaıdy QazAqparat tilshisi.
«Bor Bossa» dıskoklýbynyń qyzmetkerleri klıentterdi iriktep, klýb kartasymen kirgizip otyrǵan.
Kelýshiler medıtsınalyq maska taqpaǵan, áleýmettik qashyqtyqty saqtamaǵan.
«Kelýshilerdiń keıbireýleri basseınde shomylyp jatqan. Keıbireýler bar túbinde turǵan. Karantın kezinde jumys istep turǵan mekemege qatysty ákimshilik shara qoldaný úshin Túrksib aýdandyq Polıtsııa basqarmasyna 90 adam jetkizildi. Onyń ishinde qyzmetkerler de bar», - dedi PD basshysynyń orynbasary Berik Ábilbekov.
Almaly aýdanynda da karantın talaptaryn buzyp jumys istep turǵan oıyn-saýyq mekemesi áshkerelendi. Tekserý kezinde dámhanada 40 adam júrgen. Olar QR ÁqbK 425-babymen ákimshilik jaýapkershilikke tartyldy.
