Almatyda dintaný salasy boıynsha bilim berý týraly alqaly jıyn ótedi
ALMATY. 8 qarasha. QazAqparat /Erlik Erjanuly/ - Almatyda 9 qarasha kúni «Qazaqstan Respýblıkasyndaǵy dintaný salasyndaǵy bilim berýdiń mańyzdylyǵy» dep atalatyn dóńgelek ústel jıyny bolady.
OnyAlmaty jastar kongresi men ál-Farabı atyndaǵy Qazaq ulttyq ýnıversıtetiniń Fılosofııa jáne saıasattaný fakýlteti birigip uıymdastyryp otyr. Oǵan din fılosofııasy salasynyń mamandary, jastar jáne stýdenttik uıymdardyń kóshbasshylary jáne Almaty qalasyndaǵy joǵary oqý oryndarynyń jastar isi jónindegi komıtet jeteksheleri shaqyrylǵan. Áleýmettanýshylardyń aıtýynsha, qazirgi zamanǵy memlekette din bilimi gýmanıtarlyq ilimiń quramdas bóligi sanalady. Ol óskeleń urpaq pen jastarǵa dintanýdyń tarıhy, onyń adamzat ómirindegi mádenıet pen rýhanııat salasyndaǵy róli jóninde shynaıy ǵylymı túsinik beredi. Sol sebepti bul basqosý kezinde atalmysh saladaǵy jetekshi mamandardyń baıandamalary tyńdalyp, ondaǵy kókeıkesti máseleler jan-jaqty talqylanbaq.
