Almatyda dinı ekstremızmniń aldyn alýǵa baǵyttalǵan 24 áleýmettik joba júzege asyryldy
Onyń aıtýyna qaraǵanda, qalada din salasyndaǵy memlekettik saıasatty túsindirý boıynsha azamattyq qoǵam ınstıtýttarynyń áleýeti tıimdi túrde paıdalanylýda. Memlekettik áleýmettik tapsyrys aıasynda qyzmet kórsetetin úkimettik emes uıymdardyń qatary jyl saıyn ósip keledi.
«2017 jyly memlekettik áleýmettik tapsyrys aıasynda dinı ekstremızm men terrorızmniń aldyn alýǵa, etnosaralyq kelisim jáne toleranttylyq ıdeıalaryn nasıhattaýǵa baǵyttalǵan 24 áleýmettik-mańyzdy joba júzege asyryldy. Jobanyń maqsaty jas qyzdardyń arasynda toleranttylyq sanany, zaıyrly qoǵamdaǵy rýhanı qundylyqtardy túsindirý. Sonymen qatar jastardy patrıottyq rýhta tárbıeleý men óz halqynyń tarıhyn qurmetteý, halqynyń baı mádenı dástúri jóninde habardar etý kózdelgen», - dedi Aıdar Esenbekov.
Onyń aıtýynsha, qalada 17 konfessııadan 179 birlestik, 112 dinı ǵımarat tirkelgen. Konfessııaaralyq kelisimdi damytý maqsatynda qalada Dinı birlestikter kóshbasshylarynyń klýby quryldy.
«Klýb aıasynda dinniń ózekti máseleleri, dinı ekstremızm men destrýktıvti aǵymdar ıdeologııalarymen kúresý boıynsha jalpy sany 1800 adam qamtylǵan. Al oqýshylar arasynda 40-qa jýyq aldyn alý jáne túsindirý is-sharasy ótkizildi. «Qoǵamda zaıyrlylyq qaǵıdalaryn nasıhattaý boıynsha is-sharalardy iske asyrý» jobasy aıasynda memlekettik qyzmetkerlerdiń, ÚEU ókilderiniń, quqyq qorǵaý organdary, bilim berý jáne mádenıet mekemeleri qyzmetkerleriniń, jastar qoǵamdyq uıymdarynyń jáne stýdentter qozǵalysynyń ókilderi jalpy sany 760-ke jýyq adam qatysqan 8 «dóńgelek ústel» jáne 1 jastar aktsııasy ótti», - dedi Aıdar Esenbekov.
Sonymen birge turǵyndarda dinı ekstremızm men terrorızm ıdeıalaryna tózbeýshilikti qalyptastyrýǵa, sondaı-aq, destrýktıvti qubylystar taralýynyń aldyn alýǵa baǵyttalǵan qysqa metrajdy áleýmettik rolıkter tsıkly kórsetildi.
«Rýhanı kelisim kúnin merekeleýge arnalǵan is-sharalar aıasynda 2017 jylǵy 18 qazanda erekshelengen din qyzmetkerlerin, din máseleleri boıynsha aqparattyq-túsindirý toptarynyń belsendi múshelerin marapattaý ótkizildi. Sondaı-aq, kitap kórmesi jáne kontserttik baǵdarlama uıymdastyryldy. Іs-sharaǵa 70 adam qatysty. Jalpy, jobalardy júzege asyrý barysynda jalpy sany 32 myń adam qamtylǵan 3 dáris, 59 kezdesý, 14 semınar, 275 semınar-trenıng, 3 konferentsııa, 30 «dóńgelek ústel», 15 aktsııa ótkizildi, - dedi basqarma basshysy.
Foto: newtimes.kz
