Almatyda dinı ekstremızm, separatızm men men lańkestikke qarsy kúres máseleleri boıynsha keńes ótýde
ALMATY. 30 qarasha. QazAqparat /Erlik Erjanuly/ - Búgin Almatydaǵy "Bóbek" ulttyq ǵylymı-tájirıbelik bilim berý jáne saýyqtyrý ortalyǵynda dinı ekstremızm,
separatızm jáne lańkestikke qarsy kúres máseleleri boıynsha arnaıy basqosý ótip jatyr. Oǵan qalalyq ishki ister departamenti, prokýratýra, ishki saıasat basqarmasy, Din isteri agenttiginiń qalalyq departamenti ókilderi men Ulttyq qaýipsizdik komıteti akademııasynyń mamandary jáne Qazaqstan musylmandary dinı basqarmasynyń ýákilderi qatysýda.
"Sońǵy ýaqytta elimizde birqatar lańkestik oqıǵalar oryn alyp, jurtshylyqtyń alańdaýshylyǵyn týdyrdy. Bul oqıǵalar quzyrly organdar tarapynan dinı ekstremızm, lańkestik dep baǵalanýda. Osyǵan oraı jastardyń kókeıinde júrgen saýaldardy talqylap, ózara pikir almasý úshin osy sharany uıymdastyryp otyrmyz", - deıdi ortalyqtyń qoǵammen baılanys bóliminiń bastyǵy Jomart Aıtqazy.
