Almatyda dinı birlestikter arasynda shahmattan týrnır ótti
Almaty qalasy qoǵamdyq damý basqarmasy, «QR lańkestik jáne ekstremızm máselelerin zertteý ortalyǵy»QQ jáne Almaty qalalyq dinı birlestikter klýbynyń uıymdastyrýymen shahmattan týrnır ótti.
«Dinı birlestikter klýbynyń qurylǵanyna bıyl 3 jyl tolady. Osy ýaqyt aralyǵynda klýb jumysy óz baǵasyn aldy. Konfessııa basshylary birigip, dinaralyq kelisimdi nyǵaıtý maqsatynda túrli is-sharalar ótkizdik. Elimizdegi barlyq merekeni birge atap ótýdi dástúrge aınaldyrdyq. Sport jarystaryn jıi uıymdastyramyz»,-deıdi Almaty qalalyq dinı birlestikter klýbynyń basshysy Kákimjan Bıshmanov.
Týrnırge 40-tan astam adam qatysty. Úsh saǵatqa sozylǵan jarys tartysty ótti. Qazylar ádil baǵasyn berip, jeńimpazdardy anyqtady.
Shahmat týrnıriniń qorytyndysy boıynsha 1-oryndy QMDB ókili Baıjan Nurahmet, 2-oryndy presvıterıan shirkeýiniń ókili Sergeı Kım, 3-oryndy QMDB ókili Qudyret Bekjanov ıelendi. Jeńimpazdar 1,2,3 dárejeli dıplomdarmen marapattaldy.
