Almatyda «Din jáne azamattyq qoǵam» taqyrybynda respýblıkalyq ǵylymı-tájirıbelik konferentsııa ótedi
ASTANA. 6 jeltoqsan. QazAqparat - 2013 jyldyń 11 jeltoqsanynda Almaty qalasyndaǵy Dostyq úıinde QR Din isteri agenttigi, «Qazaqstannyń azamattyq Alıansy» zańdy tulǵalar birlestigi men «Astana - Zertteý» qoǵamdyq qorynyń uıymdastyrýymen «Din jáne azamattyq qoǵam» taqyrybynda respýblıkalyq ǵylymı-tájirıbelik konferentsııasy ótedi.
Konferentsııa jumysyna ǵalymdar, sarapshylar qaýymdastyǵy, memlekettik organdar, azamattyq qoǵam jáne taldaý júrgizý qurylymdary men buqaralyq aqparat quraldarynyń ókilderi qatysady.
Konferentsııa maqsaty - din salasyndaǵy memlekettik saıasatty júzege asyrý úrdisinde azamattyq qoǵam ókilderimen konstrýktıvti baılanys ornatý, dep habarlady Din isteri agenttiginiń baspasóz qyzmetinen.
