Almatyda din qyzmetkerleri sporttan synǵa tústi

ALMATY. QazAqparat - Almaty qalasynyń meshit qyzmetkerleri arasynda alǵash ret spartakıada uıymdastyryldy, dep habarlaıdy QazAqparat aqparattyq jáne sporttyq HAB-qa silteme jasap.

Jarys Halyq sharýashylyǵy ýnıversıteti stadıonynda shaǵyn-fýtbol, armrestlıng, ústel tennısi, gir tasyn kóterý, arqan tartý, toǵyzqumalaq jáne shahmattan ótti. Oǵan tek meshit qyzmetkerlerinen jasaqatalǵan komandalar qatysty.

Tartysty dodanyń qorytyndysy boıynsha, Medeý aýdanynyń meshiti birinshi orynǵa taban tirese, ekinshi jáne úshinshi oryndardy Jetysý men Áýezov aýdandary sáıkesinshe ıelendi.     

Jeńimpazdar men júldegerlerge dıplomdar, medaldar men syılyqtar tabys etildi.

Spartakıadanyń basty maqsaty meshit qyzmetkerleriniń dene shynyqtyrý deńgeıin arttyrý jáne úzdik ujymdardy anyqtaý bolyp tabyldy.