Almatyda «Dıkıı Arman» men Qaırat Qudaıbergenge qatysty sot otyrysy bastaldy

Almaty mańyndaǵy №72 túzeý mekemesiniń tergeý ızolıatorynda máslıhattyń eks-depýtaty Qaırat Qudaıbergen men «Dıkıı Arman» laqap atymen tanymal Arman Jumageldıevke qatysty sot protsesi bastaldy, dep habarlaıdy QazAqparat tilshisi.

Sotta Qaırat Qudaıbergen men Arman Jumageldıevten bólek taǵy 43 adamnyń isi qaralady.

Saǵat 10:00-ge belgilengen sot otyrysy 11:00-de bastaldy. Sot zalyna kirgisi keletinder kóp boldy. Alaıda oryn az bolǵandyqtan aıyptalýshylardyń týystary men qoǵamdyq qorǵaýshylar ǵana kirdi.

Buqaralyq aqparat quraldarynyń ókilderi sot protsesin kelesi bólmeden baqylap otyr.

Sot zalynda sottalýshylardyń az ǵana bóligi otyr, olardyń arasynda Qaırat Qudaıbergen men Arman Jumageldıev bar. Basqa da aıyptalýshylar qatysty onlaın formatta qatysyp jatyr.

Sot barysynda qatysýshylar dybystyń nasharlyǵyna shaǵymdandy. Sol sebepti tehnıkalyq aqaýlardy sheshý úshin sot otyrysy jarty saǵatqa toqtatyldy.

Buǵan deıin Almaty qalalyq soty qylmystyq is boıynsha sot protsesine advokattardyń kirýine kedergi keltirilip jatqany týraly aqparatty joqqa shyǵarǵan bolatyn.

Eske salaıyq, byltyr 7 qańtarda Almatyda polıtseıler «Dıkıı Arman» laqap atymen tanymal qylmys áleminiń bedeldisi Arman Jumageldıevti ustaǵan bolatyn.

Keıin QR Bas prokýratýrasy «Dıkıı Armanyń» Ulttyq qaýipsizdik qyzmetiniń tergeý ızolıatorynda otyrǵanyn jetkizdi.

Al, Qaırat Qudaıbergenniń ustalǵany týraly aqparat 2022 jyldyń 22 sáýirde paıda bolǵan edi.

Qaırat Qudaıbergen Dıkıı Armanmen birge adam jınaýdy uıymdastyrǵan.