Almatyda dezınfektsııalyq jumystar qaıta bastaldy
ALMATY. QazAqparat - Almatyda kópqabatty turǵyn úılerdiń kireberisteri men oıyn alańdarynda dezınfektsııa jumystary qaıta bastalady, dep habarlaıdy QazAqparat tilshisi.
Almaty qalasynyń bas memlekettik sanıtarlyq dárigeriniń qaýlysyna sáıkes, qalalyq turǵyn úı saıasaty basqarmasy kóppáterli úılerdiń kireberisteri men balalar alańdaryn aptasyna 1 ret profılaktıkalyq zararsyzdandyrý jumystaryn qaıta bastady. Sonymen qatar,koronavırýs ınfektsııamen aýyrý jaǵdaıy tirkelgen jaǵdaıda turǵyn úılerdiń kireberisterine qorytyndy túrinde bir ret zararsyzdandyrý júrgiziledi. Turǵyn úılerdiń kireberisterine profılaktıkalyq maqsatta jıilikpen aptasyna 1 ret zararsyzdandyrý júrgiziledi.
Aıta keteıik, 15 qazan kúni Almatyda karantın talaptaryna qatysty jańa qaýly shyqqan bolatyn. Onda qalada buqaralyq is-sharalarǵa tyıym salý saqtalatyny jazylǵan.
