Almatyda dezınfektsııa jumystaryna qansha qarajat bólindi
ALMATY. QazAqparat – Almatyda dezınfektsııa jumystaryna 293 mln tenge bólindi. Bul týraly qalalyq turǵyn úı basqarmasynyń basshysy Erjan Seıtenov brıfıng barysynda aıtty, dep habarlaıdy QazAqparat tilshisi.
«Jalpy dezınfektsııaǵa 293 mıllıon teńge bólindi, eger árbir kireberistiń baǵasyna toqtalar bolsam, onda ol 600 teńgeden 9 myń teńgege deıingi aralyqta. Mysaly, eki qabatty úıdiń kireberisin alsańyz, onda bir rettik zalalsyzdandyrý 600 teńgeni quraıdy, al 28 qabatty úıdiń kireberisi 9 myń teńge»,– deıdi Erjan Seıtenov.
