Almatyda destrýktıvti dinı aǵym ókili úıinde qoldan tapansha jasap alǵan
ALMATY. QazAqparat - Almaty polıtsııasy destrýktıvti dinı aǵymnyń jaqtaýshysynan úıde jasalǵan revolverdi tárkiledi, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, kúdikti arnaıy «Qarý» jedel-profılaktıkalyq is-sharasy barysynda ustalǵan.
«Belgili bolǵandaı, ustalǵan adam destrýktıvti dinı aǵymdy ustanýshy bolyp shyqty. Júrgizilgen saraptama nátıjesi boıynsha tárkilengen tapansha qoldan jasalǵan 5,6 mm kalıbrli eken. Ol atýǵa jaramdy», - dep habarlady Almaty polıtsııa departamentiniń baspasóz qyzmeti.
Kúdikti - Túrkistan oblysynyń 24 jastaǵy týmasy qamaýǵa alyndy.
