Almatyda deratızatsııaǵa ótinim qabyldaıtyn call-ortalyq quryldy
ALMATY. QazAqparat - Kemirgishtermen kúres jónindegi aýqymdy naýqannyń ekinshi kezeńi 1 qyrkúıekten bastalady, dep habarlaıdy QazAqparat tilshisi.
47,3 myń gektar aýmaqty jappaı deratızatsııalaý 1 qarashaǵa deıin jalǵasady. Kemirgishter paıda bolýy múmkin saıabaqtar, skverler, ózen jaǵalaýlary, sondaı-aq aryqtar, qoǵamdyq kólik aıaldamalar arnaıy zattarmen óńdeledi.
Budan bólek, 135 myń jeke turǵyn úıdi, onyń ishinde sharýashylyq qurylystar men aýla aýmaqtaryn óńdeý josparlanyp otyr.
Qala ákimi Baqytjan Saǵyntaevtyń tapsyrmasy boıynsha deratızatsııanyń ekinshi kezeńi (birinshi kezeń 21 maýsym men 28 shilde aralyǵynda ótti) Almatyda belgilengen merzimnen buryn bastalady.
Qala basshysy kemirgishter paıda bolýy múmkin bazarlar men basqa da saýda oryndaryn da qaıta óńdeýdi tapsyrdy.
Ol úshin mobıldi deratızatsııalyq toptardyń sany eki esege – 7-den 14-ke deıin artty.
Almaty turǵyndary úshin deratızatsııaǵa ótinim berýge bolatyn arnaıy call-ortalyq quryldy.
Baılanys telefondary (WhatsApp-pen):
+7 (705) 225-13-31 jáne +7 (707) 376-90-71.
Bul rette memlekettik mekemeler men kásipkerlik obektileriniń ǵımarattaryn óńdeý osy uıymdardyń óz qarajaty esebinen júzege asyrylady.
Jyl saıyn Almatyda júrgiziletin deratızatsııa kemirgishter sanyn azaıtý jáne olar arqyly asa qaýipti ınfektsııalyq jáne ınvazııalyq aýrýlardyń taralýynyń aldyn alý úshin qajet.
