Almatyda Depo Evolution Parkte jastardyń loft - ortalyǵy ashyldy
ALMATY. QazAqparat - Almatyda «Rýhanı jańǵyrý» baǵdarlamasy jáne qala jastaryn qoldaýdyń Jol kartasy aıasynda burynǵy tramvaı deposynyń ornynda jastardyń loft-ortalyǵynyń birinshi kezegi ashyldy, dep habarlaıdy QazAqparat.
Jastardyń loft-ortalyǵynyń birinshi kezeginde kovorkıng-ortalyq, eriktiler qozǵalysy ortalyǵy, Creative Zone (jas sýretshiler ortalyǵy jáne galereıa), jastardyń resýrs ortalyǵy jataqhanalarǵa kýratorlyqtyń ortalyq bólimmshesi jáne selolyq jastarmen jumys ortalyǵy,workout-center jáne basqalary bar. Sonymen, munda jastarǵa qyzmet kórsetý aımaǵy, 5 sheberhana, English club jáne memlekettik tildi oqytý ortalyǵy, 10 bilim sektsııalary jáne basqalary qyzmet kórsetedi. Jańa loft- ortalyqta jastardyń 25 úkimettik emes uıymdar túrli sharalar uıymdastyrady, olardyń turaqty jumystaryna 3 myńnan astam adam tartylady.
«Jastar saıasaty salasy qalanyń barlyq jastaryn óziniń aınalasyna shoǵyrlandyrtatyn osyndaı ortalyqqa muqtaj bolatyn.Jyl saıyn jastardyń jalpy sany artýda, túrli formattaǵy sharalar da jıi uıymdastyrylýda. Loft- ortalyqta jas adam qajetti barlyq aqparatty alady jáne óz maqsatyn júzege asyrý úshin tıisti qoldaý da tabady» -, dep atap ótti qalanyń Jastar saıasaty jónindegi basqarma basshysy Shyńǵys Beskempirov. 
Aıta keterligi, Memleket basshysynyń tapsyrmasymen Almatyda 2017 jyl «Jastar jyly» dep jarııalanǵan edi. Jasalǵan Jol kartasy aıasynda jastar praktıkasynyń kvotasyn arttyrý josparlanǵan, 6 myńnan astam adam kásibı daıyndyqtan ótedi, stýdenttik jataqhanalar salynýda, Turǵynúıqurylysbankimen birge erekshe baǵdarlama jasalyp, sonyń arqasynda jastar jeńildetilgen zaem arqyly jańa páterge qol jetkize alady. Mamyr aıynda Áýezov aýdanynda jastarǵa tegin bilim beretin «Baǵdarsham» ortalyǵy ashylsa, osy jaqynda Alataý aýdanyndaǵy Atletter aýylynda Jastarmen jumys ortalyǵy jumysyn bastady.
Almaty ákimi «Art Energy Almaty» - «WORK IN PROGRESS» festıvaline qatysyp, qala qaýymdastyǵy ókilderimen emen-jarqyn áńgimelesti.
«Art Energy Almaty» - «WORK IN PROGRESS» - qala qaýymdastyǵy men ishki qalalyq kommýnıkatsııalardyń bılikpen,bıznespen, bastamashyl qaýymdastyqpen, qoǵam qaıratkerlerimen suhbattasý festıvali.
Festıval barysynda birqatar qaýymdastyqtar ekologııa, salaýatty ómir salty, zooqorǵaý, qaıyrymdylyq,kólik,arhıtektýra jáne qala keńistigi, bıznes jáne áleýmettik kásipkerlik, tehnologııa jóninde óz jobalaryn usyndy. Aǵymdaǵy jáne bolashaq ózgeristerdi úılestirýge, bılik pen qalalyqtardyń bastamashyl jeke birlestikteriniń kommýnıkatsııalyq kanaldaryna, bıznestiń qala aldyndaǵy áleýmettik,mádenı jaýapkershiligine, qalaǵa paıdaly azamattyq jobalardy qarjylandyrýǵa, qoǵamdyq mádenı jobalardyń jańa «ınfraqurylymdaryna» arnalǵan «Qalalyq dıalog» atty paneldi pikirtalastar ótti.
