Almatyda densaýlyq saqtaý salasyna bólingen qarajat byltyr jan basyna shaqqanda 25,5 teńgeni qurady
ALMATY. Maýsymnyń 24-i. QazAqparat /Erlik Erjanuly/ - Densaýlyq saqtaý salasyna bólinetin bıýjet qarjysy jyl ótken saıyn ulǵaıyp kele jatyr. Bul búgin Almatyda ótken qalalalyq prokýratýranyń alqa májilisinde aıtyldy,
dep habarlaıdy QazAqparat.
«Almaty qalasynyń densaýlyq salasynyń bıýdjeti 2007 jyly 18 mıllıard, 2008 jyly 24 mıllıard, 2009 jyly 25 mıllıard teńge boldy. Bul jan basyna shaqqanda, tıisinshe 17; 23,5 jáne 25,5 teńgeni quraıdy. Densaýlyq saqtaý mekemelerinde dárigermen qamtamasyz etý deńgeıi sońǵy 3 jylda 10 myń adamǵa shaqqanda, tıisinshe 16,17, 19 mamannan boldy. Sondaı-aq myń adamǵa týý kórsetkishi, tıisinshe 22, 25 jáne 26 sábıdi qurady», deıdi Almaty qalasy prokýrorynyń kómekshisi Oljas Baǵjanov. Onyń aıtýynsha, qalada 2007 jyly 22 763, 2008 jyly 35 975, al 2009 jyly 34 606 bala dúnıege keldi.
