Almatyda densaýlyq saqtaý salasyn nasıhattaýǵa úles qosqan jýrnalıster marapattaldy
ALMATY. QazAqparat - Almatyda densaýlyq saqtaý salasyn nasıhattaýǵa úles qosqan jýrnalıster, ÚEU ókilderi, eńbek erleri, úzdik dárigerler marapattaldy.
Qalalyq densaýlyq saqtaý basqarmasynyń basshysy Janat Qasymjanova úzdikterge gramota, alǵys hattary men baǵaly syılyqtar tabystady.
Olardyń ishinde «QazAqparat» HAA Almatydaǵy tilshisi Gúlmıra Bıjaeva marapattaldy.
«Medıtsınany damytýda belgili bir jetistikke jetý úshin tek medıtsına salasy mamandarynyń ǵana úlesi jetkiliksiz. Qoǵamǵa dárigerler qaýymdastyǵynyń eńbegin jetkizýde Úkimettik emes uıymdar men buqaralyq aqparat quraldarynyń qosar úlesi sheksiz. Jyl saıyn biz jýrnalıster arasynda salaýatty ómir saltyn nasıhattaý úshin qalalyq baıqaý ótkizemiz. Jańa jyl qarsańynda biz qala halqynyń densaýlyǵy beı-jaı qaldyrmaıtyn jandarmen júzdekenimizge óte qýanyshtymyz.
Jýrnalıstiń ár sózi qoǵamdyq pikir qalyptastyratynyn eskersek, qala turǵyndary arasynda salaýatty ómir saltyn nasıhattaýda olardyń orny erekshe», - dedi qalalyq densaýlyq saqtaý basqarmasynyń basshysy Janat Qasymjanova.
Merekelik shara Almaty qalalyq medıtsınalyq kolledji stýdentteriniń oryndaýyndaǵy kontsertke ulasty.
