Almatyda Densaýlyq saqtaý mınıstrliginiń kóshpeli alqa otyrysy bolyp ótti

dep habarlaıdy mınıstrliktiń baspasóz qyzmeti.

2011 jylǵy 12 mamyrda Qazaqstan Respýblıkasy Prezıdentiniń qatysýymen ótken jıynnyń hattamasyna sáıkes, QR Densaýlyq saqtaý mınıstrligine Almaty qalasy ákimdigimen birlesip, Biryńǵaı ulttyq densaýlyq saqtaý júıesi aıasynda turǵyndarǵa kórsetiletin medıtsınalyq qyzmet sapasyn arttyrý baǵytynda jumystardy jalǵastyrý tapsyrylǵan. Atalǵan tapsyrmany oryndaý maqsatynda Densaýlyq saqtaý mınıstrligi Almaty qalasy ákimdigimen kelise otyryp, Іs-sharalar josparyn («Jol kartasy») qabyldady.

Osyǵan oraı jıynda Almaty qalasy turǵyndaryna kepildik berilgen tegin medıtsınalyq kómek kólemin qamtamasyz etý, júrek-qan tamyrlary, onkologııalyq, júıke jáne nashaqorlyq dertine shaldyqqan naýqastarǵa medıtsınalyq kómek kórsetetin beıindi qyzmetterdiń problemalary men olardy sheshý joldary, sonymen qatar qan qyzmeti jáne salaýatty ómir saltyn qalyptastyrý qyzmetiniń jumysy qarastyryldy.

Aǵymdaǵy jyly qalada bala týýdyń turaqty joǵary deńgeıi (1000 turǵynǵa 27,2), almatylyqtardyń tabıǵı ósimi (1000 turǵynǵa 18,6) qamtamasyz etildi. 2011 jyldyń 5 aıy ishinde ana ólim-jitim deńgeıi (100 myńǵa shaqqanda 27,3-ten 21,0 deıin) jáne bala ólim-jitimi kórsetkishi (100 myńǵa shaqqanda 17,1-den 16,6-ǵa deıin) tómendedi.

Almaty qalasynda statsıonarlyq járdem kórsetetin 40 medıtsınalyq uıym jáne statsıonardy almastyratyn 55 uıym kepildik berilgen tegin medıtsınalyq kómek kólemi boıynsha qyzmet kórsetedi.

2011 jyly Almatyda statsıonarlyq jáne statsıonardy almastyratyn kómek kólemin qarjylandyrý kólemi 2009 jylmen salystyrǵanda 59% artty (2009 jyly 8,3 mlrd. teńge bolsa, 2011 jyly 13,2 mlrd. teńgege jetti). Jalpy respýblıkalyq jáne vedomstvalyq emhanalardy qosa eseptegende bul kórsetkish 22,9 mlrd. teńgeni quraıdy.

10 jyldyń ishinde kepildik berilgen tegin medıtsınalyq kómek kólemin qarjylandyrý 12,2 esege ulǵaıdy.

Kóshpeli alqa otyrysynyń qorytyndysynda turǵyndarǵa kórsetiletin kepildik berilgen tegin medıtsınalyq kómek kóleminiń sapasyn jáne qoljetimdiligin ári qaraı arttyrý maqsatynda áleýmettik mańyzdy aýrýǵa shaldyqqan naýqastarǵa medıtsınalyq kómek kórsetýde densaýlyq saqtaýdyń beıindi salalarynyń qyzmetterin jetildirý jóninde qaýlylar qabyldandy.