Almatyda «Densaýlyq saqtaý - KIXE-2010» kórmesi ashyldy
ALMATY. Mamyrdyń 12-si. QazAqparat / Ádilet Musahaev / - Atalmysh shara densaýlyq saqtaý salasyndaǵy sońǵy jetistiktermen tanysýǵa, jańa medıtsınalyq jáne ǵylymı perspektıvalardy aıqyndaýǵa tamasha múmkindik beredi. Bul jaıynda QR Densaýlyq saqtaý mınıstri Jaqsylyq Dosqalıev kórmeniń ashylý barysynda aıtty,
dep habarlaıdy QazAqparat.
Mınıstrdiń aıtýynsha, álemde jyl ótken saıyn aýrýdyń jańa túrleri paıda bolýda, sondyqtan da dúnıejúziniń medıtsınalyq salasy osyndaı aýrýlardyń aldyn alý jolyn izdestirýde. «Densaýlyq saqtaý salasyn reformalaý jáne damytý úshin memlekettik baǵdarlamalardy iske asyrýdy jáne qarjylandyrýdy jyl sanap ulǵaıtqannyń arqasynda bastapqy býynnyń reformasy júrgizilip, kadrlyq jáne ǵylymı áleýet kúsheıtildi», deıdi J.Dosqalıev.
Kórmege 300-den astam saýda markalaryn bildiretin 18 elden 160-tan astam kompanııa qatysty. Qatysýshy kompanııalardyń 40 paıyzyn qazaqstandyq kompanııalar qurasa, Germanııa 19, Reseı 16, Qytaı 7 jáne Túrkııa 4,5 paıyzda.
Sonymen qatar kórme barysynda Nemis optıkalyq, medıtsınalyq jáne megatrondyq tehnologııalardyń ónerkásiptik odaǵynyń (SPECTARIS) qatynastar bırjasy men Ulttyq medıtsınalyq qaýymdastyq ótkizetin "Quqyq jáne densaýlyq" taqyrybynda Qazaqstan dárigerleri men provızorlarynyń bas assambleıasy sııaqty sharalar ótpek. Sondaı-aq semınar bólmesinde jańa jabdyqtar men túrli baǵdarlamalardyń tusaýkeseri bolady dep kútilýde.
Mamyrdyń 14-ne deıin jalǵasatyn kórmeni Ulybrıtanııa, Germanııa, Túrkııa men Qytaı kórme kompanııalary men Qazaqstannyń Iteka kompanııasy uıymdastyryp otyr.
