Almatyda Densaýlyq saqtaý basqarmasyna jańa basshy taǵaıyndaldy
Basshylyqqa buǵan deıin Memlekettik dárigerler bilimin jetildirý ınstıtýtynyń rektory qyzmetin atqaryp kelgen Ýálıhan Ahmetov taǵaıyndaldy.
Jańa basshy ujymǵa tanystyryldy.
Ýálıhan Ahmetov 1955 jyly S.Asfendııarov atyndaǵy medıtsınalyq ınstıtýtty támamdaǵan.
Eńbek jolyn Ortalyq klınıkalyq aýrýhanada bastaǵan. Ár jyldary ortalyqtar men ınstıtýttardyń dırektory qyzmetin atqaryp kelgen.
2008 jyldan bastap S.Asfendııarov atyndaǵy Qazaq medıtsınalyq ýnıversıettiniń prorektory, Almatydaǵy memlekettik dárigerlerdiń bilimin jetildirý ýnıversıtetinde rektor bolyp taǵaıyndalǵan. Almaty qalalyq máslıhatyna Medeý aýdanynan depýtat bolyp saılanǵan.
Buǵan deıin basqarmany Janat Kákimseıitqyzy Qasymjanova basqaryp kelgen. 2012 jyldyń jeltoqsanynan bastap basshylyq etip kelgen Janat Qasymjanovaǵa qala ákimi minsiz qyzmeti úshin alǵysyn jetkizdi.
