Almatyda «Densaýlyq festıvali» ótip jatyr

QR Densaýlyq saqtaý mınıstrligi men Salaýatty ómir saltyn qalyptastyrý problemalary ulttyq ortalyǵynyń uıymdastyrýymen ótip jatqan sporttyq sharaǵa tanymal sportshylar, JOO-nyń, orta arnaıy oqý mekemeleriniń stýdentteri, mektep oqýshylary, ata-analar, aǵa býyn ókilderi jáne mektepke deıingi balalar qatysýda.

Búgin kúni boıy stadıonda sporttyq jarystar, mádenı-oıyn-saýyq sharalary, baıqaýlar men vıktorınalar, otbasylarǵa arnalǵan kóńildi starttar jáne taǵy da basqa túrli sporttyq sharalar ótetin bolady. Sonymen qatar, búgin munda arnaıy mamandar salaýatty ómir saltynnyń túrli aspektileri boıynsha, atap aıtqanda, dene tárbıesi jáne sport, tıimdi tamaqtaný, strestik aýyrtpalyqty kótere bilý, kóshede jáne turmysta qaýipsiz minez-qulyq, zııandy ádetterden bas tartý boıynsha medıtsınalyq keńester beretin bolady. Sondaı-aq, shara barysynda estrada juldyzdarynyń, kórkem ónerpazdar ujymdary men ulttyq mádenıet ókilderiniń jáne qoldaýshy toptardyń kórsetilimderi men arnaıy daıyndaǵan oıyn-saýyq baǵdarlamalary usynylatyn bolady.

Salaýatty ómir saltyn qalyptastyrý problemalary ulttyq ortalyǵynyń dırektory Jámılıa Battakovanyń aıtýynsha, árbir qazaqstandyqty belsendi, sportshy bolýǵa shaqyratyn sharanyń maqsaty - qazaqstandyqtar arasynda salaýatty ómir salty mádenıetin qalyptastyrý jáne dáripteý bolyp tabylady. "Naqtyraq aıtqanda, qazaqstandyqtardy fızıkalyq belsendilikke, sportpen shuǵyldanýǵa shaqyrý, sonymen qatar, tıimdi tamaqtaný men zııandy ádetterden bas tartýǵa jáne óz densaýlyǵyna úlken jaýapkershilikpen qaraýǵa shaqyrý bul sharanyń negizgi maqsaty",-dedi ol.

Onyń aıtýynsha, elimizde ótip jatqan búgingi aktsııalar barlyq qazaqstandyqtyń sporttyń qaı túrinen bolsyn ózin kórsetýine, salaýatty ómir salty jónindegi máselelermen aqparattandyrylýyna múmkinshilik berip qana qoımaı, árbir adamnyń óz densaýlyǵyna jaýapkershilikpen qaraýy kerek degen qoǵamdyq pikirdi qalyptastyrýǵa yqpal etedi.