Almatyda Denıs Tenniń muz aıdynyndaǵy shoýynda chempıondar úzdik ónerin kórsetti
ALMATY. QazAqparat - Almatyda qazaqstandyq mánerlep syrǵanaýshy, Sochıdegi Olımpıadalyq oıyndardyń qola júldegeri Denıs Tenniń «Denıs Ten jáne onyń dostary. Olımpıadalyq jiger» atty muz aıdynyndaǵy orasan zor shoýy ótti.
Shoýǵa mánerlep syrǵanaýdan tórt qurlyqtyń olımpıada chempıondary, álem, Eýropa chempıondary qatysty. Olardyń arasynda toǵyz olımpıada júldegerleri - Djoannı Roshett, Karolına Kostner, Mao Asada, Mıraı Nagasý, Evan Laısachek, Daısýke Takahashı, Stefan Lambel, Tatıana Volosojar jáne Maksım Trankov boldy. Álemniń tórt dúrkin chempıony, Eýropanyń úsh dúrkin chempıony Alekseı ıAgýdın jáne eki márte álem chempıondary Maksım Marının men Tatıana Totmıanına arnaıy qonaqtar qatarynan oryn aldy.
Muz aıdynyndaǵy shoý eki bólimnen turady. Onyń alǵashqy bóliminde mánerlep syrǵanaýshylar serpindi nómirlerdi kórsetti, ekinshisinde - keıbir óner kórsetýshiler sımfonııalyq orkestrdiń súıemeldeýimen zor áser qaldyrdy. Keshti júrgizýshiler - Nurlan Abdýllın men Nurlan Qoıanbaev. Sharanyń ekinshi bóliginde olarǵa Alekseı ıAgýdın qosyldy.
Árbir sportshy óziniń úzdik nómirlerin pash etti. D.Tenniń ózi de tamasha oıyn órnegin kórsetip, kúrdeli elementterge quralǵan kompozıtsııalardy usyndy. Kórermender zaly oǵan túregep turyp qol soqty. Shoýdyń sońynda mánerlep syrǵanaýshy barlyq qatysýshylarǵa, dostary men jankúıerlerine qoldaýlary úshin alǵys aıtty. Onyń aıtýynsha, túsken barlyq qarajat Qazaqstanda mánerlep syrǵanaý sportyn damytýǵa jumsalady.
