Almatyda Denıs Ten jankúıerlerimen kezdesedi
ALMATY. QazAqparat - Almatyda 6 qańtarda Denıs Tenniń jankúıerlerimen kezdesýi bolady, dep habarlady fıgýrıstiń Instagram-daǵy fan-paraqshasynda.
«Alaqaı! Denıs Tenniń jankúıerleri úshin eń kópten kútken jańalyq. Almatyda fan-kezdesý! 6 qańtarda. Denıs Tenmen kezdesý onyń naǵyz jankúıerleri úshin ǵana ótedi, biz qatysýshylarǵa 20 adamǵa deıin oryn bólemiz!», - dep habarlandy paraqshada.
Kezdesýge úsh suraqqa durys jaýap bergender qatysa alady?
Denıs qaı jyly álem chempıonatyndaǵy debıýtin ótkizdi?
Denıstiń Instagram-daǵy shyǵarmashylyq akkaýntynyń ataýy qandaı?
Periscope-de Denıs jazylýshylar sany jóninde kimmen bástesti?
Jaýaptardy jekeleı habarlama túrinde Instagram paıdalanýshysy @kushelekova Áıgerimge jiberý qajet.
Eske sala keteıik, Denıs Ten jekeleı óner kórsetetin belgili qazaqstandyq mánerlep syrǵanaýshy, Qazaqstan Respýblıkasynyń eńbek sińirgen sport sheberi. Sportshynyń esebinde mánerlep syrǵanaýdan iri halyqaralyq birinshilikterdiń kóptegen marapattary bar.
Ol 2015 jyldy tabysty aıaqtady. Qarashada nemistiń Dortmýnd qalasynda ótken NRW Trophy týrnırinde ekinshi orynǵa ıe boldy, al jeltoqsannyń basynda Zagrebtegi (Horvatııa) Golden Spin týrnırinde jeńimpaz atandy.
