Almatyda Denıs Ten týraly mýzykalyq beınebaıan túsirilimi bastaldy
ALMATY. QazAqparat - Biz Denıs Tenge tıesilini berip, barlyq qazaqstandyqtardy onyń Sochıdegi jeńisimen quttyqtaǵymyz keledi.
Búgin Almatyda belgili qazaqstandyq mánerlep syrǵanaýshy jaıly mýzykalyq beınebaıannyń rejısseri, akter, qoǵam qaıratkeri Ánýar Nurpeıisov osylaı aıtty.
«Bizdiń jerlesimiz Denıs Tenniń Sochıdegi Olımpıada oıyndarynda medal alǵany - óte keremet. Birinshiden, mánerlep syrǵanaý sporttyń asa bedeldi túri. Ekinshiden, álemdik oıyndarda jalǵyz medalǵa ıe bolǵan ol bizdiń quramanyń abyroıyn saqtap qaldy, sol sebepti men bul qolany altynǵa bergisiz dep sanaımyn», - dep qosty Á.Nurpeıisov.
Rejısser sonymen birge, beınebaıandaǵy mýzyka Tına Ternerdiń «Simply the best» ániniń orys tilindegi kaver-nusqasy ekendigin, qazaq tilinde aıtylatyn tustary da barlyǵyn jetkizdi.
