Almatyda Denıs Ten men onyń dostary - mánerlep syrǵanaýdan álem juldyzdary shoýy ótedi (FOTO)
ASTANA. QazAqparat - Búgin Almaty qalasynyń Balýan Sholaq atyndaǵy Sport saraıynda tanymal qazaqstandyq mánerlep syrǵanaýshy Denıs Ten men onyń dostary - mánerlep syrǵanaýdan álem juldyzdarynyń «Sálem» atty shoýy ótedi.
Sochıdegi Olımpıada qola júldegeriniń úshinshi jyl saıynǵy muz shoýynyń tanystyrylymy keshe tolyq anshlagpen ótti.
Denıs Tenniń shoý aldynda bolyp ótken baspasóz máslıhatynda, «bıylǵy jylǵy baǵdarlama «bizde tájirıbeler bolǵan aldyńǵy formattardan erekshelenedi. Ol úshin sheteldikter tartyldy, qoıýshysy - kanadalyq maman», - dep málim etti ol.
«Bıylǵy jyly qatysýshylardyń quramy úılestirilgen, biz jobany uıymdastyrýdyń batystyq deńgeıine shyǵyp otyrmyz. Bul joly úsh urpaqty kórsetetin biregeı shoqjuldyz bolyp shyqty - biz tamashalap ósken urpaq, qazirgi jáne bolashaq urpaq. Árbir qatysýshy - jeke tulǵa. Árqaısysy ár elden kelgen. Barlyq mádenıetter men halyqtardyń bul biregeı birlestigi bizdiń elimiz ben bas seriktesimiz - EXPO-2017-ni logıkalyq sýrettep otyr», - dep túsindirdi Tvıtterdegi jeke paraqshasynda Denıs Ten.
