Almatyda denesiniń 40 paıyzyn kúıik shalǵan jigit jansaqtaý bóliminde jatyr
ALMATY. QazAqparat - Dərigerler qurylys jumystary barysynda toq soqqan jumysshynyń jaǵdaıy týraly aıtyp berdi, dep habarlaıdy QazAqparat tilshisi.
Qazir jigit jansaqtaý bóliminde jatyr.
№4 aýrýhananyń jansaqtaý bóliminiń meńgerýshisi Súleımenov Bekbolattyń aıtýynsha, patsıenttiń denesiniń 40 paıyzyn kúıik shalǵan.
"Patsıent kele salysymen mýltıdıstsıplınarlyq kómek uıymdastyryldy. Komandaǵa kombýstıolog, travmatolog, reanımatolog, hırýrg mamandary kiredi. 10 mınýttan soń dereý jansaqtaý bólimine jatqyzyldy.
25 jastaǵy jigit qazir kúıik shogyn basynan keshirip jatyr. Shok jaǵdaıynan shyqqan soń kúıik aýrýy bastalady. Ol 15-20 kúnge deıin sozylýy múmkin. Əzirge boljam aıtý qıyn", - dedi Bekbolat Súleımenov.
Aýrýhananyń kúıik bóliminiń meńgerýshisi Bıqońyrov Nurjannyń aıtýynsha, naýqasty elektr togy soqqan.
"Beti, keýde tusy, qol-aıaǵy kúıgen. Oǵan kúıiktiń 2-3 dərejesi degen dıagnoz qoıyldy. Naýqas arnaıy kúıikke qarsy tósekke jatqyzylǵan. "Redaktron" tóseginde jabyndy aýa ótkizip turatyn qumnan jasalǵan. ıAǵnı, kúıik jaraqatynyń betine zaqym kelmeıdi",- dedi Nurjan Bıqońyrov.
Oqys oqıǵa búgin Gogol Tólebaev kóshesiniń qıylysynda bolǵan. Jer qazý jumystary kezinde jumysshy quralymen kabeldi túrtip qalǵan.
