Almatyda denesi bólshektelip óltirilgen adamnyń turǵan páteri anyqtaldy

Qazir qylmys jasalǵan páter anyqtaldy. Onda krımınalıster jumys isteýde, tergeý is-sharalary júrgizilýde.

Jergilikti turǵyndardyń biri, marqumnyń páterine qarsy turatyn kórshi áıeldiń aıtýynsha, bul páter sońǵy segiz jyldan beri jalǵa berilip kelgen. «Onda ylǵı aıǵaı-shý bolyp turady, túnde kóp shýlaıdy. Táýlik boıy jalǵa beriledi. Men birneshe márte polıtsııaǵa osyny sheshý úshin shaǵym jazǵanmyn, alaıda nátıje bolmady», - dedi ol.

Eske sala ketsek, buǵan deıin habarlanǵandaı úı-kúısiz adam Raıymbek jáne Abylaı han dańǵyldarynyń qıylystaryndaǵy qoqys jáshikteriniń birinen adamnyń basy jáne aıaq-qoldaryn taýyp alǵan bolatyn.