Almatyda dene tárbıesi týraly halyqaralyq ǵylymı-tájirıbelik konferentsııa ótip jatyr
ALMATY. Qazannyń 15-i. QazAqparat /Erlik Erjanuly/ - Búgin Almatyda "Dene tárbıesi jáne eldiń básekelestikke qabilettigi" degen taqyryppen halyqaralyq ǵylymı-tájirıbelik konferentsııa ótip jatyr. Ony uıymdastyrǵan Bilim jáne ǵylym, Týrızm jáne sport mınıstrlikteri men QR Ulttyq olımpıadalyq komıteti, Dene tárbıesiniń ulttyq ǵylymı-tájirıbelik ortalyǵy jáne Qazaqtyń Abaı atyndaǵy ulttyq pedagogıkalyq ýnıversıteti.
"Maqsat - otandyq jáne halyqaralyq tájirıbe negizinde Eýrazııalyq qoǵamdastyq elderinde olımpıadalyq izbasarlardy daıarlaý máselelerine TMD elderiniń dene tárbıesi men sportty damytý salalaryndaǵy ǵylymı qyzmetkerlerin jumyldyrý. Plenarlyq jáne sektsııalyq májilisterde 150-den astam baıandamalar men habarlamalar tyńdalyp, máselerdi sheshý jolynda naqty usynystar daıyndalady dep josparlanyp otyr",- deıdi konferentsııa tóraǵasy, Pedagogıka ǵylymynyń doktory Merkıjan Qoshaev.
Dene tárbıesiniń ulttyq ǵylymı-tájirıbelik ortalyǵynyń Bas dırektorynyń aıtýynsha, konferetsııa jumysy 4 sektsııa boıynsha júredi. Olardyń taqyryby - "Dene shynyqtyrýdyń teorııalyq-ádistemelik negizderi", "Sporttyq jattyǵýdy dárigerlik-bıologııalyq jaǵynan qamtý", "Sporttyq jattyǵýdyń teorııasy men ádisteri", "Oqýshy jastar dene tárbıesiniń ınnovatsııalyq túrleri men quraldary" dep atalady.
