Almatyda dene shynyqtyrý-saýyqtyrý kesheni paıda bolady
ALMATY. QazAqparat - Búgin qala basshysy Ahmetjan Esimov halyqaralyq «Suńqar» shańǵy tramplıni keshenindegi dene shynyqtyrý-saýyqtyrý nysanynyń qurylysymen tanysty. Bul týraly qalalyq ákimdiktiń baspasóz qyzmeti habarlady.
Qazirgi tańda nysanda jerasty jumystary, jeli júrgizý Halyqaralyq shańǵy sporty federatsııasynyń standartyna saı jasalyp jatyr. Qala basshysy qurylys kestesiniń qatań saqtalýyn eskertti.
Esterińizge sala keteıik, Almatyda 20-21 qyrkúıekte tramplınnen shańǵymen sekirý boıynsha «Grand Prix» Álem kýbogynyń jazǵy kezeńiniń fınaldyq serııasy ótken bolatyn. Oǵan álemniń 12 elinen 70-ten astam sportshy qatysty. Jarys barysynda Halyqaralyq shańǵy sporty federatsııasynyń mamandary shańǵy trassasynyń halyqaralyq standarttarǵa tolyǵymen sáıkesetindigin aıtyp ótti. 2015 jyly «Suńqar» shańǵy kesheninde jastar arasyndaǵy qysqy sport túrlerinen álem chempıonaty ótedi. Dúbirli dodaǵa álemniń ár túkpirinen myńǵa jýyq sportshy keledi dep josparlanýda. Olar shańǵy bessaıysy, shańǵymen sekirýden, syrǵanaýdan jarysatyn bolady.
